Tapmacalar

Ayağı yoxdur, qaçır,

Qanadı yoxdur, uçur.

Açmasi : Bulud

***

Araba gedər, izi yox,

Yanar, yanar, közü yox.

Açmasi : Günəş

***

Bir ağacım var, oniki budağı.

Hər budağın otuz yarpağı.

Açmasi : İl, aylar, günlər, gecə, gündüz

***

Bir qızıl öküzüm var,

Harda yatsa ot bitməz.

Açmasi : Od

***

Biri gedər, gəlməz,

Biri yatar, durmaz.

Açmasi : Tüstü, kül

***

Qəndə oxşar dadı yox,

Göydə gəzər qanadı yox.

Açmasi : Qar

***

Göydə doğular,

Yerdə boğular.

Açmasi : Yağış

***

Bostanda var bir arvad,

Paltar geyib qatbaqat.

Açmasi : Kələm

***

Yer altında sarı biz.

Açmasi : Kök

***

Bir dağarcıq unum var,

Içində bir oxlov.

Açmasi : İydə

***

Bir təndirim var iki çörək tutur.

Açmasi : Qoz

***

Bu yanı taxta, o yanı taxta,

Yumuru bəy otaqda.

Açmasi : Fındıq

***

Çölü sarı, içi darı.

Açmasi : Əncir

***

Bir damım var,

tək dirəkli.

Açmasi : Göbələk

***

Ağzın açar, zəhər saçar,

Onu görən geri qaçar.

Açmasi : İlan

***

Altı taxta, üstü taxta,

Bəy oturub otaqda.

Qoyun deyil, otlayır,

Toyuq deyil, yumurtlayır.

Açmasi : Tısbağa

***

Yatanda yumuru yatar.

Ətin dərmana qatar.

Hər kim istər onu tutsun,

Tikanları əlinə batar.

Açmasi : Kirpi

***

Gündüz yatar yuvada,

Cecə gəzər obada.

Açmasi : Yarasa

***

Nağaraçı nağara çalır,

Nə nağarası var, nə çubuğu.

Açmasi : Ağacdələn

***

Qanadı var quş deyil,

Dişləyir, ilan deyil.

Açmasi : Ağcaqanad

***

Yazda yığır yeməyini,

Çox sevir öz əməyini.

Yeyib yatır baharadək.

Nədir adı tapın görək.

Açmasi : Qarışqa

***

Balaca quyu,

Içində suyu,

Ağcadan ağdı,

Sarıdan sarı.

Açmasi : Yumurta

***

Qızılgül pardaxlandı,

Qol atıb çardaxlandı,

Torpaqsız yerdə bitdi,

Yarpaqsız budaqlandı.

Açmasi : Maral buynuzu

***

Nənəyə dəyməz, babaya dəyər,

Xalaya dəyməz, bibiyə dəyər,

Allaha dəyməz billaha dəyər

Açmasi : Dodaqlar

***

Bel sapı, balta sapı,

Bir budağı, beş yarpağı

Açmasi : Əl

***

Bir güzgüyüm var qapaqlı.

Dörd dövrəsi saçaqlı.

Açmasi : Göz

***

Əvvəl vardı yeyərdik,

Yeməsəydik ölərdik

Indi də var yemirik,

Yeməsək də, ölmürük.

Açmasi : Ana südü

***

Həftədə bir dəfə başin kəsərəm

Nə qanı çixar nə canı.

Açmasi : Dırnaq

***

Gündüzlər dolanar,

Gecələr ağzı açıq yatar.

Açmasi : Ayaqqabı

***

Aşmaz-uşmaz,

Yerə düşsə,

Beli sınmaz.

Açması: Yarpaq

***

Əyri-üyrü boy atar,

Əyağı yerə batar.

Salxım-salxım sallanar

Altında sarvan yatar.

Açması: Söyüd ağacı

***

İnəyim var eşikdədi,

Alı-ili eşikdədi,

İldə bir kərə sağılar.

Özü yenə eşikdədi.

Açması: Bağ

***

Uzanar, ha uzanar,

Qollarınnan balalar.

Açması:  Ağaclar

Alaca, ha bulaca,

Səpdirmişəm yamaca,

Düz dırmaşar ağaca.

Açması: Lobya

***

Anaxanım atlandı,

Qol-qanadı qatlandı.

Açması: Kələm 

***

Babam oturub al çuxada,

Kim soyundursa gözü çıxar.

Açması: Soğan

***

Bağda bitər tağı yox,

Ha sıxarsan yağı yox.

Açması: Bibər

***

Lalalar, ay lalalar,

Laladan piyalalar,

Qol-budağı çiçəklər,

Köklərindən balalar.

Açması: Kartof

***

Ləyənda, ay ləyəndə,

Gül boynunu əyəndi,

Yeyilər kal vaxtında,

Yemək olmaz dəyəndə.

Açması: Xiyar

***

Ağ yerə toxum səpərlər

Açması: Yazı

***

Ağzı birdi, dili mindi,

Gah belə deyir, gah elə.

Açması: Qələm

***

Ağca atı nalladım,

Səmərqəndə yolladım.

Açması: Məktub

***

Arpa yemir, saman yemir,

Anqırır heyvan kimi.

Açması: Paravoz

***

Bir qapağı, Min yarpağı.

Açması: Kitab

***

Bir qarpızım var cığal

Üstünə dünya sığar.

Açması: Qlobus

***

Bir sehirli fanaram,

Kibritsiz də yanaram

Nə yerdə yox, nə göydə

Havadan sallanaram.

Açması: Elektrik lampası

***

Quş deyil qanadı var,

Quşlardan yeyin uçar.

Açması: Təyyarə

***

O nədi ki, içində qışdır,

Çölündə bahar.

Açması: Soyuducu

***

Avın alsan mırıldar,

Sığallasan xoruldar.

Açması:  Pişik

***

Ağzı qara boz bəylər,

Vursan ağzın əyilər

Açması: Canavar

***

Adam döyül, əl-ayağı, dişi var,

Əcəb şeydi, qərəvəllə işi var.

Açması: Meymun

***

Bağda sürünər gəzər,

Az-az görünər gəzər,

Oxşuyar bir yumağa

Qorxuram əl vurmağa.

Açması: Kirpi

***

Bir atım var minə bilmirəm.

Ağzın açsa dinə bilmirəm.

Açması: Şir

***

Bir axmaq öküzüm var,

İləndirib ət yeyər.

Açması: Ayı

***

Dik çıxanda ildırım,

Dik enəndə digirqoz.

Açması: Dovşan

***

Dilim-dilim nar,

Diziməcən qar,

Yeddi dananın gönü,

Bircə ayağıma dar.

Açması:  Siçan

***

Yer altında yağlı küt.

Açması: Porsuq

***

O nədi ki, evə girməz,

Sədaqəti eldə gəzər.

Açması:  İt

***

Ağ uzatdım,

Al toxudum,

Qara sərdim

Açması: Böyürtkən

***

Ağac başında al yanaqlı qız

Açması: Alma

***

Ağac başında qırmızı qız.

Açması: Zoğal

***

Ağac başında qımro bitər.

Açması: Fındıq